Lilja Hallgrímsdóttir - Ferilskrá

Lilja Hallgrímsdóttir

myndlistarmaður í Garðabæ

Vinnustofa að Garðatorgi 1 annarri hæð

www.art-liljan.com  liljaogarni@simnet.is  s. 862 0574

Lilja er fædd í Reykjavík 1937.   Hún lagði stund á ballett frá unga aldri, dansaði í Þjóðleikhúsinu og víðar.  Kenndi ballett í einkaskóla, kenndi og samdi dans og hreyfingar í Leiklistarskóla LR og fyrir sýningar LR í mörg ár.  Lilja skrifaði gagnrýni um danssýningar f. Mbl. Vísi og DV.  Lilja var í bæjarstjórn Garðabæjar 1982-1990 var m.a. forseti bæjarstjórnar og síðan form. menningarmálanefndar Garðabæjar til ársins 2002. Lilja lauk BA gráðu í guðfræði og djáknanámi frá HÍ, er vígður djákni og starfaði sem slíkur í Keflavíkurkirkju og í Fella-og Hólakirkju.

Við starfslok 2005 byrjaði Lilja að mála.  Hefur verið á námskeiðum hjá Félagsstarfi eldri borgara í Garðabæ í alls konar listsköpun m.a. í málun hjá kennurunum: Ester Jónsdóttur, Álfheiði Ólafsdóttur og Sóllrúnu Guðbjörnsdóttur.  Var í teiknun 1 og teiknun 2 í Myndlistaskólanum í Reykjavík hjá Eyglóu Harðardóttur og Katrínu Briem og í málun í þar hjá Sigtryggi B. Baldvinssyni 2009-2011.  Í málun í Myndlistarskóla Kópavogs hjá Bjarna Sigurbjörnssyni  frá 2011 og hefur einnig verið hjá Bjarna í Master -  Class.

Lilja hefur haldið tvær einkasýningar í Garðabæ og Hafnarfirði og tekið þátt í fjölda samsýninga í Garðabæ, Kópavogi og Reykjavík.  Hún er meðlimur í Grósku, félagi myndlistamanna í Garðabæ og í Félagi frístundamálara.